Mar 4:35-41 | YomNWM | STEP | Va thangu masika muna lumbu kina, Yesu wukamba minlonguki miandi :

Mark 4:35-41

Yesu wuviatuka vuka mu ngolo

(Matayi 8.23-27 ; Luka 8.22-25)

35 Va thangu masika muna lumbu kina, Yesu wukamba minlonguki miandi :

—Tusabukanu ku disimu dinkaka. 36 Basia bika nkangu wu batu ; bawu bannata mu nlungu boso bu kabela. Minlungu minkaka miba yandi vana. 37 Buela zimbukila vuka kingolo kieka. Mayo ma ngolo mabua mu nlungu. Bosi nlungu wutona wala nlangu. 38 Niandi wuba wuleka kuna tsongi nlungu. Wuniekika ntu andi va mbatakusa. Minlonguki minkotula ayi minkamba :

—A Nlongi ! Tueka mfua vayi Ngeyo wummona diawu diambu di phamba e ?

39 Wukotuka, wutemina vuka ayi wuvana lutumu kuidi mbu :

—Bika biyoko ! Ba dio sui ! Vuka kimanisa ayi ndembama yivutuka.

40 Bosi wuyuvula minlonguki miandi :

—A bila mbi luididi boma-boma ? A buevi lukambulu minu e ? 41 Beka mona boma buwombo ayi beka niunguta bawu veka :

—A buna nani mutu wawu muingi vuka ayi mbu bintumunika e ?